Ek Shakhs Ko Chaha Tha, Apno Ki Tarha Humnay,

Ek Taza Hikayat Hai, Sun Lo To Enayat Hai,

Ek Shakhs Ko Dekha Tha, Taaron Ki Tarha Humnay,

Ek Shakhs Ko Chaha Tha, Apno Ki Tarha Humnay,

Ek Shakhs Ko Samjha Tha, Phoolon Ki Tarha Humnay,

Woh Shakhs Qayamat Tha, Kya Uski Kerein Baatein,

Din Uskay Liye Paida, Or Uski He Thi Raatein,

Kub Milta Kisi Say Tha, Humsay Thi Mulaqaatein,

Rang Uska Shahabi Tha, Zulfon Mein Thi Mehkarein,

Aankhein Thi K Jaadu Tha, Palkein Thi K Talwaarein,

Dushman B Agar Dekhein, So Jan Say Dil Haarein,

Kuch Tumsa Woh Milta Tha, Baaton Mein Shabahat Thi,

Haan Tumsa He Lagta Tha, Shoki Mein, Shararat Mein,

Lagta B Tumhi Sa Tha, Dastoor.e.Muhabbat Mein,

Woh Shakhs Humein Ek Din Apno Ki Tarha Bhoola,

Taaron Ki Tarha Dooba, Phoolon Ki Tarha Toota,

Phir Haath Na Aya Woh, Humnay Bohat Dhoonda,

Tum Kis Liye Chonkay Ho, Kub Zikar Tumhara Hai,

Kub Tumsay Takaaza Hai, Kub Tumsay Shikayat Hai,

Ek Taaza Hikayat Hai, Sun Lo To Enayat Hai,

Ek Shakhs Ko Dekha Tha Taaron Ki Tarha Humnay..